එජාපය හැදූ ආණ්ඩුක්‍රම ව්‍යවස්ථාව අනුව අමාත්‍යවරයෙකු තම ධූරයෙන් ඉවත් වුව හොත් එම අමාත්‍යාංශය ජනාධිපතිවරයා යටතට පත් වන බව ද එම අමාත්‍යාංශය සම්බන්ධයෙන් යම් ගැටලුවක් මන්ත්‍රීවරයෙකුට ඇත්නම් ජනාධිපතිවරයා වෙනුවට අග්‍රාමාත්‍යවරයා හෝ සභානායකවරයා පාර්ලිමේන්තුවේදී අය-වැය විවාදයේදී පිළිතුරු දෙනු ඇතැයි ද ආණ්ඩු පක්ෂයේ ප්‍රධාන සංවිධායක, ජල සම්පාදන හා ජලාපවහන අමාත්‍ය දිනේෂ් ගුණවර්ධන මහතා පවසයි.
අමාත්‍යවරයා මේ බව පැවසුවේ අද (19) පාර්ලිමේන්තුවේදී ඉතිහාසයේ පළමු වරට විෂයභාර අමාත්‍යවරයෙකු හෝ නියෝජ්‍ය අමාත්‍යවරයෙකු නොමැතිව අමාත්‍යාංශයක වැය ශීර්ෂ විවාදයට ගන්නට සිදු වූ බව විපක්ෂයේ ප්‍රධාන සංවිධායක ජෝන් අමරතුංග මහතා පැවසූ අවස්ථාවේදීය.
තාක්ෂණ හා පර්යේෂණ අමාත්‍යවරයා ලෙස සිටි පාඨලී චම්පික රණවක මහතා සිය අමාත්‍ය ධූරයෙන් ඉල්ලා අස්වීමත් මේ අමාත්‍යංශය සඳහා නියෝජ්‍ය අමාත්‍යවරයෙකු නොමැති වීමත් ඊට හේතුවයි.
NDH/HC
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
