මෙරට දකුණු පළාතේ මිරිස්සට ඔබ්බෙන් වූ මුහුදු ප්‍රදේශයේ නිල් තල්මසුන් ජීවත් වන අතර එම මුහුදු ප්‍රදේශය හරහා පවතින ජාත්‍යන්තර මුහුදු මාර්ගයේ ගමන් ගන්නා නෞකාවලින් ඒ සතුන්ට බරපතළ හානියක් සිදු වන්නේ නම් ඔවුන්ගේ ආරක්ෂාවට නැව් මාර්ගය වෙනස් කිරීමට පරීක්ෂණ කරගෙන යන බව ධීවර හා ජලජ සම්පත් සංවර්ධන නියෝජ්‍ය අමාත්‍ය සරත් කුමාර ගුණරත්න මහතා පවසයි.
අමාත්‍යවරයා මේ බව පැවසුවේ අද (24) පාර්ලිමේන්තුවේදී පාර්ලිමේන්තු මන්ත්‍රී අජිත් පී. පෙරේරා මහතා විසින්
වාචික පිළිතුරු අපේක්ෂාවෙන් අසන ලද ප්‍රශ්නයකට පිළිතුරු දෙමිනි.
නිල් තල්මසුන් පිළිබඳ ව 1982 සිට මේ දක්වා පරීක්ෂණ පවත්වයි. නාරා ආයතනය මඟින් මේ පරීක්ෂණ සිදු කරයි.
මීට අමතරව ජාතික හා ජාතික නොවන ආයතනත් රාජ්‍ය අනුග්‍රහය සහිතව හා රහිතව පරීක්ෂණ සිදු කරන බව ද ඔහු
සඳහන් කළේය.
NDH/HC
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
