ඊයේ ආරම්භ වූ මෙම ප්‍රදර්ශනය හෙටින් (03) අවසන් වන අතර උදෑසන 09.00 සිට රාත්‍රි 07.00 දක්වා විවෘත ව පවතී.
මෙය රජයේ ප්‍රවෘත්ති දෙපාර්තමේන්තුවේ සංවිධානයෙන් සිදු කරන අතර "රටක දැක්ම" ඡායාරූප ප්‍රදර්ශනය ප්‍රවීණ ඡායාරූප ශිල්පී සුදත් සිල්වා මහතාගේ නිර්මාණ අධ්‍යක්ෂණයකි.
ප්‍රදර්ශනය විවෘත කළ ජනාධිපතිතුමා එය නැරඹීමට ද එක්විය. ප්‍රදර්ශනය නැරඹීමට පැමිණ සිටි පාසල් දරුවන් මෙන් ම ජනතාව සමඟ ද ජනාධිපතිතුමා සුහද පිළිසඳරක නිරත විය.
මහා සංඝරත්නය ප්‍රමුඛ අන්‍යාගමික පූජකවරු, මැති ඇමැතිවරු, තානාපතිවරු, රාජ්‍ය නිලධාරීන් ඇතුළු දෙස් විදෙස් සම්භාවනීය ආරාධිත පිරිසක් මෙම අවස්ථාවට එක් ව සිටියහ.
පාර්ලිමේන්තු මන්ත්‍රී ඒ.එච්.එම්. අස්වර්, ජනමාධ්‍ය අමාත්‍යංශයේ ලේකම් චරිත හේරත්, රජයේ ප්‍රවෘත්ති අධ්‍යක්ෂ ජනරාල් මහාචාර්ය ආරියරත්න ඇතුගල, අධ්‍යක්ෂ (මාධ්‍ය) වසන්ත ප්‍රිය රාමනායක, ප්‍රදර්ශනයේ නිර්මාණ අධ්‍යක්ෂණය කළ ජේ. සුදත් සිල්වා මහත්වරු ඇතුළු පිරිසක් ද මෙම අවස්ථාවට එක්වූහ.
DB
