අමාත්‍යවරයා මෙසේ පැවසුවේ අද (31) පාර්ලිමේන්තුවේදී පාර්ලිමේන්තු මන්ත්‍රී බුද්ධික පතිරණ මහතා විසින් වාචික පිළිතුරු අපේක්ෂාවෙන් අසන ලද ප්‍රශ්නයකට පිළිතුරු දෙමිනි.
ලංකාව පුරා සිටින ධීවර ජනතාවගේ ආරක්ෂාව වෙනුවෙන් මේ වන විට ධීවර කබා 37,000ක් බෙදා දී ඇත. ආපදා කළමනාකරණ අමාත්‍යාංශයත් 10,000ක් ලබා දී ඇත. යාත්‍රාවේ සිටින ඉතුරු ධීවරයන් සඳහා ධීවර ආරක්ෂක කබා ලබාදීම සඳහා යාත්‍රා හිමියන්ට පවසා ඇති බව කී අමාත්‍යවරයා තම ආරක්ෂාව සඳහා මුහුදු ගිය විට ධීවර කබා පැළඳ සිටින ලෙස දන්වා ඇති බව ද පැවසීය.
ඇතැම් ධීවරයන් මුහුදු යන විට අඳින ධීවර කබාය මුහුද මැදදී ගලවනවා. වරායෙන් පිටත් වන විට නාවික හමුදාව විසින් මේ ගැන පරීක්ෂා කරනු ලබනවා. මේ තරම් ආරක්ෂක කබා ඉතිහාසයේ කවදාවත් ලබා දී නැහැ. ලංකාවේ යාත්‍රා ඇත්තේත් මීට වඩා අඩු ප්‍රමාණයක් බව ද අමාත්‍යවරයා සඳහන් කළේය.
NDH/HC
