කිලිනොච්චියේ, නාච්චිකුඩාහි අන්නයි වෙලන්කන්නි ගම්මානයේ වෙසෙන ධීවර ජනතාව සඳහා 2015 සංවර්ධන කටයුතු යටතේ ධීවර තොටුපොළක් ලබාදීමට කටයුතු කරන බවත් දැනටමත් එහි කටයුතු ආරම්භ කර ඇති බවත් ධීවර හා ජලජ සම්පත් සංවර්ධන අමාත්‍ය වෛද්‍ය රාජිත සේනාරත්න මහතා පවසයි.
අමාත්‍යවරයා මෙසේ පැවසුවේ අද (31) පාර්ලිමේන්තුවේදී පාර්ලිමේන්තු මන්ත්‍රී ඒ.එච්.එම්. අස්වර් මහතා විසින් වාචික පිළිතුරු අපේක්ෂාවෙන් අසන ලද ප්‍රශ්නයකට පිළිතුරු දෙමිනි.
මේ ගම්මානයේ ධීවර පවුල් 147ක් අතුරින් පුද්ගලයන් 200ක් පමණ ධීවර කර්මාන්තයේ යෙදේ. මෙහි ධීවර යාත්‍රා 34ක් හා යාන්ත්‍රික නොවන යාත්‍රා 05ක් ධීවර කටයුතු සඳහා භාවිත කෙරේ. ධීවර තොටුපොළක් නැති නිසා ඔවුන් බොහෝ දුෂ්කරතාවන්ට මුහුණ දෙන නිසා ඉතා ඉක්මනින් ධීවර තොටුපොළක් ඉදිකර දෙන බව ඔහු වැඩිදුරටත් සඳහන් කළේය.
NDH/HC
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
