පසුගියදා දිවයිනට පැමිණි පොදුරාජ්‍ය මණ්ඩලයීය සංවිධානයේ මහ ලේකම් කමලේෂ් ශර්මා මහතා අද (27) පෙරවරුවේ කතානායක චමල් රාජපක්ෂ මහතා ව කතානායක නිල නිවසේදී හමු වීමෙන් පසු පාර්ලිමේන්තුවට පැමිණියේය.
කමලේෂ් ශර්මා මහතා පොදුරාජ්‍ය මණ්ඩලයේ 5 වැනි මහ ලේකම්වරයා වන අතර 2008 සිට එම තනතුරේ සේවය කරයි. ඔහු ඊට පෙර එක්සත් රාජධානියේ ඉන්දියානු මහ කොමසාරිස්වරයා ලෙස කටයුතු කර ඇත.
අද පාර්ලිමේන්තුවේ දී ශර්මා මහතා පිළිගැනීමට නියෝජ්‍ය කතානායක චන්දිම වීරක්කොඩි මහතා ඇතුළු පිරිසක් එක් ව සිටියහ.
ලබන 30 දින තෙක් කමලේෂ් ශර්මා මහතා ශී‍්‍ර ලංකාවේ රැඳී සිටීමට නියමිතය.
NDH/HC_pics: Nuwan Duminda
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
