නැකතට ලිපි ගිනි දල්වා චාරිත‍්‍ර ඉටු කළ ජනාධිපති මහින්ද රාජපක්ෂ මැතිතුමා, ජනාධිපති ආර්යා ශිරන්ති වික‍්‍රමසිංහ රාජපක්ෂ මැතිණිය, පාර්ලිමේන්තු මන්ති‍්‍ර නාමල් රාජපක්ෂ, ලුතිතන් යෝෂිත රාජපක්ෂ, රෝහිත රාජපක්ෂ යන මහතවරුන් ඇතුළු පිරිස රාජපක්ෂ පවුලේ අනෙකුත් ඥාතීහු සමඟ එක්ව චාරිත‍්‍රවල නිරත වූහ.
වැඩ ඇල්ලීමේ චාරිත‍්‍රය ඉටු කරමින් කාල්ටන් පරිශ‍්‍රයේ සුදු හඳුන් පැළයක් රෝපණය කිරීමද ජනාධිපතිතුමා අතින් සිදු විය.
උදා වූ සිංහල දෙමළ අලුත් අවුරුද්දට තම ආදරණීය නායකයාට සුබ පතන්නට ප‍්‍රදේශවාසී ජනතාව වැල නොකැඩී කාල්ටන් නිවසට පැමිණි අතර එම ජනතාව සුහදව පිළිගත් ජනාධිපතිතුමා ඔවුන්ට ආහාර පානවලින්ද සංග‍්‍රහ කළේය.
අලුත් අවුරුද්දට සෑම නිවසකම පැළයක් රෝපණය කිරීමට ජනාධිපතිතුමාගේ සංකල්පය මත කි‍්‍රයාත්මක කළ වැඩපිළිවෙළ අනුව කාල්ටන් නිවසට පැමිණි සියලුදෙනා වෙත සුදු හඳුන්, කළුවර ඇතුළු වටිනා පැළ බෙදාදීමද පාර්ලිමේන්තු මන්ති‍්‍ර නාමල් රාජපක්ෂ මහතා අතින් සිදු විය.
මධ්‍යම පරිසර අධිකාරියේ මෙහෙයවීමෙන් මෙම වැඩසටහන කි‍්‍රයාත්මක කර ඇති අතර එහි සභාපති ඊ.ඩබ්ලිව්. ප‍්‍රතාපසිංහ, අධ්‍යක්ෂ ජනරාල් සාරංග අලහප්පෙරුම යන මහත්වරු ද ඊට එක්ව සිටි බව ජනාධිපති මාධ්‍ය අංශය පවසයි.
HC/pmu_pics: Sudath Silva
