උදාවන සිංහල හා හින්දු අලුත් අවුරුද්දට ජනාධිපති මහින්ද රාජපක්ෂ මැතිතුමාට සුබපැතුම් එක්කරන්නට අගමැති දි.මු. ජයරත්න මහතා ඇතුළු පවුලේ සාමාජිකයෝ හෙළ චාරිත්‍රානුකූලව කැවිලි පෙවිලි රැගෙන තංගල්ල කාල්ටන් නිවසට ඊයේ (13) පැමිණියහ.
රාජ්‍ය නායකයා ලෙසින් දහසක් රාජකාරී මධ්‍යයේ වුවත් සෑම වසරකම සිංහල සිරිතට මුල් තැන දෙමින් පවුලේ ඥාති මිත‍්‍රාදීන් සමඟින් සිය නිවසේ සිට අලුත් අවුරුද්ද සමරන ජනාධිපතිතුමා තමන් බැහැදකින්නට ආ අගමැතිවරයා ඇතුළු පවුලේ සැම සුහදව පිළිගත්තේය.
ජනාධිපති ආර්යා ශිරන්ති වික්‍රමසිංහ රාජපක්ෂ මැතිණිය, පාර්ලිමේන්තු මන්ත්‍රී නාමල් රාජපක්ෂ මහතා ඇතුළු පිරිසක් මෙම අවස්ථාවට එක්ව සිටියහ.
DB/NDH/pmu
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
