ජනාධිපති ගරු මෛත්‍රීපාල සිරිසේන මැතිතුමා වෙත ගෞරවනීය සහ උණුසුම් පිළිගැනීමක් ලබාදීමට මෙහි දී පිලිපීන ජනාධිපතිතුමා කටයුතු කර තිබූ අතර, එරට සංස්කෘතිකාංග රැසකින් ද මෙම අවස්ථාව විචිත්‍රවත් කෙරිණි.
වසර 58ක දෙරටේ රාජ්‍ය තාන්ත්‍රික සබඳතාවල දී පිලිපීනයේ රාජ්‍ය සංචාරයක් සඳහා ඇරයුම් ලැබුණු ප්‍රථම ශ්රී ලාංකික රාජ්‍ය නායකයා වන ජනාධිපති ගරු මෛත්‍රීපාල සිරිසේන මැතිතුමාගේ මෙම ඓතිහාසික සංචාරය සනිටුහන් කරමින් සමරු තිළිණ හුවමාරුවක් ද නායක දෙපළ අතර සිදු විය.
ඒ අනුව ජනාධිපති ගරු මෛත්‍රීපාල සිරිසේන මැතිතුමාගේ රුව සහිත ආලේඛ්‍ය චිත්‍රයක් පිලිපීන ජනාධිපති රොඞ්රිගෝ ඩියුටර්ට් මැතිතුමා විසින් ජනාධිපතිතුමා වෙත පිළිගැන්වීය.
