එම කමිටුවේ සභාපති, අධ්‍යාපන අමාත්‍යාංශයේ හිටපු ලේකම් ගෝඨාභය ජයරත්න මහතා විසින් වාර්තාව ජනාධිපතිතුමා වෙත පිළිගන්වනු ලැබීය.
වසර 1994 සිට 2014 දක්වා කාලය තුළ සිදුවූ බව කියන දේශපාලන පළිගැනීම් මත අධ්‍යාපන ක්ෂේත්‍රයේ පත්වීම් සහ උසස්වීම් ලබාදීම සම්බන්ධයෙන් දැඩි විරෝධයක් අධ්‍යාපන වෘත්තීය සමිති වෙතින් එල්ල වූ අතර, ඊට ප්‍රතිචාර වශයෙන් එම පත්වීම් සහ උසස්වීම් පිළිබඳ පරීක්ෂා කර බලා නිර්දේශ ලබාදෙන ලෙස ජනාධිපතිතුමා විසින් එම කමිටුව පත්කරනු ලැබුවේ පසුගිය සැප්තැම්බර් මාසයේය.
ශ්‍රී ලංකා පරිපාලන සේවයේ විශ්‍රාමික ජ්‍යෙෂ්ඨ නිලධාරීන් සහ ශ්‍රී ලංකා අධ්‍යාපන පරිපාලන සේවයේ විශ්‍රාමික ජ්‍යෙෂ්ඨ නිලධාරීන්ගෙන් සැදුම්ලත් සත් පුද්ගල නිලධාරී මණ්ඩලයකින් මෙම කමිටුව සමන්විත විය.
වාර්තාව බාරදීමේ අවස්ථාවට එම කමිටුවේ අනෙකුත් සාමාජිකයින් ද එක්ව සිටියහ.
PMD
