ගරු ජනාධිපතිතුමා පසුගියදා ජපානයේ කළ සංචාරයේ දී එතුමා මුණගැසුණු එරට වෙසෙන ලාංකීය වාහනකරුවන් ශ්රී ලංකාවට වාහන ගෙන්වීමේ දී වාහනකරුවන් මුහුණ දෙන ගැටලු සහ වාහන ආශ‍්‍රිතව ශ්රී ලංකාව මුහුණ දෙන ගැටලු සම්බන්ධයෙන් වන ඔවුන්ගේ අදහස් යෝජනා ජනාධිපතිතුමා වෙත ඉදිරිපත් කරන ලදී. එම අදහස් සහ යෝජනා මුදල් අමාත්‍යාංශය සහ අයවැය සම්පාදනයේ දී සලකා බැලීම සඳහා ඉදිරිපත් කිරීමට ජනාධිපතිතුමා ගත් පියවර විශේෂයෙන් අගය කර ජපාන ශ්රී ලංකා වාහන අපනයනකරුවන්ගේ සංගමය ජනාධිපතිතුමා වෙත විශේෂ ඇගයුම් සම්මානයක් ද පිරිනැමුවේ ය.
ජපාන ශ්රී ලංකා වාහන අපනයනකරුවන්ගේ සංගමය තම සාමාජිකයන් වෙත හා ලංකා වාහන ආනයනකරුවන්ගේ සංගමයේ සාමාජිකයන් අගයමින් පිරිනැමූ විශේෂ සමරු තිළිණ පිරිනැමුණේ ද ජනාධිපතිතුමා අතිනි.
ජපානයේ ශ්රී ලංකා තානාපති මහාචාර්ය ධම්මික ගංගානාත් දිසානායක මහතා ඇතුළු සාමාජිකයන් මෙම සුහද හමුවට එක්ව සිටියහ.
