පොලිස්පතිවරයාට ඉල්ලා අස්වන්නැයි ජනපතිවරයා හෝ අගමැති කිසිදු ඉල්ලීමක් කර නොමැති බවත් මේ සම්බන්ධයෙන් විෂය භාර ඇමතිවරයා හා තමන් සොයා බැලූ බවත් නීතිය හා සාමය පිළිබඳ නියෝජ්‍ය අමාත්‍ය නලින් බණ්ඩාර මහතා පා‍ර්ලිමේන්තුවේදී අද(20) ප්‍රකාශ කළේය.
පොලිස්පතිවරයාට ඉල්ලා අස්වන ලෙසට දැනුම් දී ඇති බවට මාධ්‍ය මගින් ප්‍රචාරයක් ගෙනගියද එය අසත්‍ය බවත් එවැනි කිසිදු ඉල්ලීමක් සිදු නොකළ බව නීතිය හා සාමය ඇමැති රංජිත් මද්දුමබණ්ඩාර මහතාද තමාට දැනුම්දුන් බවත් නලින් බණ්ඩාර මහතා පැවසීය.
පාර්ලිමේන්තු මන්ත්‍රී කනක හේරත් මහතා විසින් සිදුකරන ලද විමසීමකට පිළිතුරු දෙමින් නියෝජ්‍ය අමාත්‍යවරයා මේ බව සඳහන් කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
