දැහැම් සමාජයක් ගොඩනැගීම වෙනුවෙන් අනගාරික ධර්මපාලතුමාගේ ආදර්ශය සමාජගත කිරීමේ අරමුණින් ජනාධිපති ලේකම් කාර්යාලය හා බුද්ධ ශාසන අමාත්‍යාංශය එක්ව මෙම උත්සවය සංවිධානය කර තිබුණි.
මෙරට නිදහස, බෞද්ධ අධ්‍යයනය, බෞද්ධ පාසල් හා දහම් පාසල් අධ්‍යාපනය ආරම්භ කිරීමේ පුරෝගාමියා වූ ධර්මපාලතුමාගේ ජාතික මෙහෙවර පිළිබදව වර්තමාන දරුවන් දැනුවත් කිරීමේ අභිලාෂයෙන් මෙම උලෙළ සදහා පාසල් සිසුන් විශාල පිරිසක් සහභාගී කරවා ගැනීමට කටයුතු කර තිබීම ද විශේෂත්වයකි.
ජනාධිපතිතුමා විසින් අනගාරික ධර්මපාලතුමාගේ පිළිරුවට මල්දමක් පළදවා පූජෝපහාර දැක්වීමෙන් අනතුරුව උත්සව සභාවේ කටයුතු ආරම්භ කෙරිණි.
ත්‍රෛනිකායික මහා සංඝරත්නය ද, බුද්ධශාසන අමාත්‍ය ගාමිණි ජයවික්‍රම පෙරේරා, අමාත්‍ය ගයන්ත කරුණාතිලක, බස්නාහිර පළාත් ආණ්ඩුකාර හේමකුමාර නානායක්කාර යන මහත්වරුන් ඇතුථ මැති ඇමතිවරුන් ද, බුද්ධ ශාසන අමාත්‍යාංශයේ ලේකම් චන්ද්‍රපේම ගමගේ මහතා ඇතුථ රාජ්‍ය නිලධාරින් ද ඉන්දීය මහකොමසාරිස්වරයා ඇතුථ ආරාධිත පිරිසක් මෙම අවස්ථාවට එක්ව සිටියහ.
( ඡායාරූප : සඳරුවන් අමරසිංහ - ජනාධිපති මාධ්‍ය අංශය )
