දිවයින පුරා පළාත් හා ප්‍රාදේශීය රෝහල් සංවර්ධනයට සැළසුම් කර ඇති බවත් එම රෝහල් වලට අවශ්‍ය ගිලන් රථ 650ක් ලබන වසරේදී ලබාදෙන බවත් සෞඛ්‍ය,පෝෂණ හා දේශීය වෛද්‍ය අමාත්‍ය වෛද්‍ය රාජිත සේනාරත්න මහතා පාර්ලිමේන්තුවේදී අද (07) ප්‍රකාශ කළේය.
මධ්‍යම රජයේ රෝහල් වලට රජය සියලු පහසුකම් ලබාදී ඇතත් පළාත් රෝහල්වල අඩුපාඩුකම් පවතින බව සදහන් කරමින් පාර්ලිමේන්තු මන්ත්‍රි හේෂා විතා‍නගේ මහතා මතුකරන ලද ප්‍රශ්නයට පිළිතුරු දෙමින් අමාත්‍යවරයා මේ බව සඳහන් කළේය.
2016 වසරේදි රජය පළාත් රෝහල් සඳහා රුපියල් බිලියන තුනක්ද , 2017 වසරේදී රුපියල් බිලියන පහක්ද , වෙන්කළ බව පැවසූ අමාත්‍යවරයා, පළාත් අමාත්‍යාංශය ලබාදී ඇති සියළු අඩුපාඩුකම් සඳහා මේ වනවිට විසඳුම් ලබාදෙමින් පවතින බවද පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
