දුම්කොළ හා සෞඛ්‍යය පිළිබඳ 12 වන ආසියානු පැසිෆික් සමුළුවට සහභාගි වන රජරට විශ්වවිද්‍යාලයේ සෞඛ්‍යය ප‍්‍රවර්ධන අංශයේ සිසුන් හය දෙනා වෙත ගුවන් ටිකට්පත් ප‍්‍රදානය කිරීම ජනාධිපති ගරු මෛතී‍්‍රපාල සිරිසේන මැතිතුමා අතින් ඊයේ (04) පෙරවරුවේ ජනාධිපති කාර්යාලයේ දී සිදු විය.
“සෞඛ්‍යයමත් පරම්පරාවක තිරසර සංවර්ධනය සඳහා දුම්කොළ පාලනය” තේමාව යටතේ සමුළුව මෙම සැප්තැම්බර් 13,14 සහ 15 යන දිනයන්හි ඉන්දුනීසියාවේ බාලී නුවරදී පැවැත් වේ.
රජරට විශ්වවිද්‍යාලයේ සෞඛ්‍ය ප‍්‍රවර්ධන අංශයේ එම්. ජී. බී. හර්ෂ මධුශංක, ඩබ්. එම්. අසිංසලා මධුමාලි, පී. කේ. නිමේෂා දුලාන්ජලී, ආර්. එම්. සමන් කුමාර, ඩබ්. එම්. ආර්. ඒ. වන්නිනායක, බී. ඒ. නිලූෂිකා මධුභාෂිණි යන ශිෂ්‍ය ශිෂ්‍යාවන් ඊට එක් වෙයි.
මෙම ශිෂ්‍ය ශීෂ්‍යාවන් වෙත සිය සුබපැතුම් සහ ආශිර්වාදය පළ කළ ජනාධිපතිතුමා ඔවුන්ට තිළිණ ද ප‍්‍රදානය කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
