ශාස්ත්‍රපති පූජ්‍ය දෙදියවල තිලකසිරි ස්වාමීන්ද්‍රයන් වහන්සේ වෙත කෝට්ටේ ශ්‍රී කල්‍යානි සමාග්‍රි ධර්ම මහා සංඝ සභාවේ අනුනායක පදවි සන්නස් පත්‍රය පිළිගැන්වීමේ උත්සවය පසුගිය දා කෝට්ටේ කළ්‍යාණි සාමග්‍රි ධර්ම මහා සංග සභාවේ මහා නායක පූජ්‍ය ආචාර්ය ඉත්තෑපාන ධම්මාලංකාර මහ නාහිමියන්ගේ ප්‍රධානත්වයෙන් කෝට්ටේ රජමහා විහාරස්ථානයේදී පැවැත්විණි.
අග්‍රාමත්‍ය රනිල් වික්‍රමසිංහ මහතා විසින් සන්නස්පත්‍රය නා හිමිපානන් වහන්සේ වෙත පිළිගැන්වූහ.
එම අවස්ථාවට ගරුතර මහා සංඝරත්නය ද, සෞඛ්‍ය හා දේශීය වෛද්‍ය අමාත්‍ය රාජිත සේනාරත්න, ජාතික ප්‍රතිපත්ති හා ආර්ථික කටයුතු රාජ්‍ය අමාත්‍ය ආචාර්ය හර්ෂ ද සිල්වා, පාර්ලිමේන්තු මන්ත්‍රී ලක්ෂ්මන් විජේමාන්න, කළුතර දිස්ත්‍රික් ලේකම් යූ. ඩී. සී ජයලාල් යන මහත්වරුන් ඇතුළු ආරාධිත අමුත්තන් රැසක් ද සහභාගි වී සිටියහ
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
