ආණ්ඩුව බලයට පත්ව වසර 03 ක් සපිරීම නිමිත්තෙන් (14) දින අනුරාධපුර, මිරිසවැටිය විහාරස්ථානයේ දානමය පිංකමක් සහ තවත් වැඩසටහන් කිහිපයක් සංවිධානය කර තිබූ අතර, එම කටයුතුවලින් අනතුරුව මිරිසවැටිය විහාරස්ථානයට පැමිණි අග්‍රාමාත්‍ය රනිල් වික්‍රමසිංහ මහතා මිරිසවැටිය රජමහා විහාරාධිකාරී ඊතනවැටුණු වැවේ ඤාණරතන හිමි ප්‍රධාන මහා සංඝරත්න මුණගැසී ආශීර්වාද ලබාගත්තේය.
මෙම අවස්ථාවට වැල්ලම්පිටිය, සේදවත්ත වෙහෙරගොඩ පුරාණ විහාරාධිපති අඹන්වල ඥානාලෝක හිමි, අටමස්ථානාධිපතිවරු ප්‍රමුඛ මහා සංඝරත්නය ද, උසස් අධ්‍යාපන හා සංස්කෘතික කටයුතු අමාත්‍ය විජයදාස රාජපක්ෂ, පාර්ලිමේන්තු මන්ත්‍රී කාවින්ද ජයවර්ධන කාන්තා හා ළමා කටයුතු අමාත්‍ය චන්ද්‍රාණි බණ්ඩාර යන මහත්ම මහත්මීන් ප්‍රමුඛ දේශපාලන නියෝජිතයින් ඇතුළු දායක දායිකාවන් පිරිසක් ද සහභාගි වී සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
