අමාත්‍යවරයා අද (09) පාර්ලිමේන්තුවේදී පාර්ලිමේන්තු මන්ත්‍රී අශෝක් අබේසිංහ මහතා විසින් වාචික පිළිතුරු අපේක්ෂාවෙන් ඇසූ ප්‍රශ්නයකට පිළිතුරු දෙමින් අමාත්‍යවරයා මේ ප්‍රකාශ කළේය.

ජාතික ඉතිරි කිරීමේ බැංකුවෙන් රුපියල් 51,675ක්, ලංකා බැංකුවෙන් රුපියල් මිලියන 25,828ක් මහජන බැංකුවෙන් රුපියල් මිලියන 13,837ක් මාර්ග සංවර්ධන අධිකාරිය සඳහා පසුගිය රජය ලබාගෙන ඇති බව ද ජාතික ඉතිරි කිරීමේ බැංකුවෙන් රජය ලබාගෙන ඇති මුළු ණය මුදල රුපියල් මිලියන 379,887ක් බව ඔහු කීය.

මීට අමතරව හැටන් නැෂනල් බැංකුවෙන් රුපියල් මිලියන 4,797ක් ජාතික සංවර්ධන බැංකුවෙන් රුපියල් කෝටි 470ක්, ඩී.එෆ්.සී.සී. බැංකුවෙන් රුපියල් මිලියන 1,057 මාර්ග සංවර්ධන අධිකාරිය වෙත ලබාගෙන ඇතැයි ද අමාත්‍ය්‍යවරයා ප්‍රකාශ කළේය.

මෙම ණය මුදල් ආපසු ගෙවීමට ක්‍රමවේදයක් පසුගිය රජය සකසා නොමැති බව කී ඔහු කෙසේ වෙතත් මෙම රජයේ හෝ පෞද්ගලික බැංකු කඩා වැටීමට රජය ඉඩ තබන්නේ නැතැයි ද අවධාරණය කළේය.