අමාත්යවරයා මේ බව පැවසුවේ, අද (09) පාර්ලිමේන්තුවේදී පාර්ලිමේන්තු මන්ත්‍රී අශෝක් අබේසිංහ මහතා විසින් වාචික පිළිතුරු අපේක්ෂාවෙන් අසන ලද ප්‍රශ්නයකට පිළිතුරු ලබාදෙමිනි.
විදුලි වැට, අලි වෙඩි, අලි පාලන ඒකක, රක්ෂිත ප්‍රදේශ, වන අලි සංචරණ පිවිසුම් මාර්ග සකස් කිරීම, කලබල අලි අල්ලා වෙනත් උද්‍යානවලට මුදාහැරීම ආදී ක්‍රියාමාර්ග දැනට තිබෙන අලි-මිනිස් ගැටුමට විසඳුම් ලෙස ක්‍රියාත්මක වනු ඇත. විදුලි වැට ඉදිකිරීම සඳහා රුපියල් මිලියන 200ක් වෙන් කර ඇති අතර මේ වන විට දුර කිලෝ මීටර් 212ක් තෙක් විදුලි වැට ඉදිකර ඇති බව ද අමාත්යවරයා පැවසීය.
2005 සිට 2013 දක්වා කුරුණෑගල දිස්ත්‍රික්කය තුළ වන අලි පහර දීමෙන් මියගිය පුද්ගලයන් සංඛ්‍යාව 120ක් වන අතර එම දිස්ත්‍රික්කය තුළ මිනිස් ක්‍රියාකාරකම් නිසා මිය ගිය අලි සංඛ්‍යාව 144කි. එම කාලසීමාව තුළ සමස්ත දිවයින තුළ මියගිය වන අලි සංඛ්‍යාව 1865ක් බව ද අමාත්යවරයා පිළිතුරු දුන්නේය.
