වමේ ව්‍යාපාරය, ප්‍රගතශීලී කඳවුර ශක්තිමත් කිරීමට විශාල සේවාවක් කළ දේශපාලඥයෙකු ලෙස අභාවප්‍රාප්ත එස්.ඩී. බණ්ඩාරනායක මහතා හැඳින්විය හැකි බව විපක්ෂනායක නිමල් සිරිපාල ද සිල්වා මහතා අද (22) පාර්ලිමේන්තුවේදී ශෝක ප්‍රකාශ අවස්ථාවට එක්වෙමින් පැවසීය.
ජනතා හිතවාදී, ජනප්‍රිය දේශපාලඥයෙකු ලෙද දේශපාලන දිවියේ දීර්ඝ කායක් ගත කළා. තමාගේ ඉඩකඩම් ජනතාව වෙත බෙදා දුන්නා. චීනය, රුසියාව වැනි සමාජවාදී රටවල් සමග මනා සබඳතාවක් ඇති කර ගන්න එතුමා කටයුතු කළා. මාර්ස්වාදී චින්තනයෙන් එතුමාගේ දේශපාලන දර්ශනය ශක්තිමත් ව තිබුණා.
ජේ.ආර්. ජයවර්ධන හිටපු ජනාධිපතිතුමා එදා මහනුවරට ගමන් ගත් පෙළපාළිය වැලැක්වීමට කටයුතු කළේ එස්.ඩී. බණ්ඩාරනායක මහතායි. ක්‍රියාශීලී, විප්ලවවාදී දේශපාලඥයෙක් ලෙස ද එතුමාව හැඳින්විය හැකි යැයි විපක්ෂ නායකවරයා පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
