ගැබිණි මව්වරුන් සඳහා ලබා දෙන රුපියල් 20,000ක පෝෂණ මළු සඳහා මහා භාණ්ඩාගාරයෙන් රුපියල් මිලියන 1500ක් වෙන් කර ඇති බවත් ගර්භනී මව්වරුන්ට නිසි ප්‍රමිතියෙන් යුක්තව ආහාර ලබා දීම මේ වැඩපිළිවෙළේ අරමුණ බවත් ළමා කටයුතු අමාත්‍ය රෝසි සේනානායක මහත්මිය පැවසුවාය.
අමාත්‍යවරිය මේ බව පැවසුවේ අද (22) පාර්ලිමේන්තුවේදී පාර්ලිමේන්තු මන්ත්‍රී රංජිත් ද සොයිසා මහතා විසින් වාචික පිළිතුරු අපේක්ෂාවෙන් අසන ලද ප්‍රශ්නයකට පිළිතුරු වශයෙනි.
මේ වන විට රුපියල් මිලියන 750ක මුදල් වැඩපිළිවෙළ සඳහා නිදහස් කර තිබේ. ප්‍රමිතියෙන් තොර භාණ්ඩ බෙදා හරිනු වෙළෙඳ ආයතනයන් සඳහා දඩුවම් පමුණුවනු ඇත. වැරදි කරන අයට මේ වන විට දැඩි ලෙස නීතිය ක්‍රියාත්මක කර ඇති බවත් ඉදිරියටත් එවැනි වැරදි කළ හොත් නීතිය ඉදිරියට පමුණුවන බවත් අමාත්‍යවරිය සඳහන් කළාය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
