පකිස්තානයේ දෙදින නිල සංචාරයක නිරත ජනාධිපති මෛත්‍රිපාල සිරිසේන මැතිතුමා සිය නිල රාජකාරී කටයුතුවලින් අනතුරුව පකිස්තානයේ පන්ජාබ් ප්‍රාන්තයේ පිහිටි තක්ෂිලා කෞතුකාගාරය නැරඹීමටද ඊයේ (07) පෙරවරුවේ එක් විය.
මෙම කෞතුකාගාරය පකිස්තානයේ ප්‍රධානතම කෞතුකාගාර අතරින් එකක් ලෙස සැලකෙයි.
ක්‍රිස්තුපූර්ව 3 වන සියවසට අයත් බුද්ධ ප්‍රතිමා වහන්සේලා හා කෞතුකාගාරයේ තැන්පත් කර ඇති ධාතූන් වහන්සේලා වැද පුදා ගැනීමටද ජනාධිපතිතුමා එක් විය.
එමෙන්ම 1963 වසරේදී ශ්‍රි ලංකා රජය විසින් පකිස්තානය වෙත ප්‍රදානය කරන ලද අනුරාධපුර ජය ශ්‍රි මහා බෝ සමිදුන්ගේ ශාඛාවක්ද මෙම කෞතුකාගාර පරිශ්‍රයේ රෝපණය කර ඇති අතර ජනාධිපතිතුමා ඒ අභියස ද ආගමික වතාවත්වල නිරත විය.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
