විශ්ව විද්‍යාල ප්‍රතිපාදන කොමිසම වෙත සංදේශයක් බාර දීමට පැමිණෙන බවට පමණක් අන්තර් විශ්ව විද්‍යාලයීය ශිෂ්‍ය බලමණ්ඩලය විසින් දැනුම් දීමක් සිදු කර තිබුණු බවත් පෙළපාලියේ ගමන් මග හදිසියේම වෙනස් කොට කොල්ලුපිටිය ප්‍රදේශයට පැමිණි ඔවුහු අග්‍රාමාත්‍ය කාර්යාලය වෙත සංදේශයක් බාර දීමට අවශ්‍ය බැව් දන්වා සිටි බවත් අග්‍රාමාත්‍ය කාර්යාලය සිද්ධිය විස්තර කරමින් කරුණු දක්වා සිටියි.
එම අවස්ථාවේ දී අග්‍රාමාත්‍ය කාර්යාලය විසින් අදාළ සංදේශය භාර දීම සඳහා අන්තර් විශ්ව විද්‍යාලයීය ශිෂ්‍ය බලමණ්ඩල නියෝජිතයන් 5 දෙනෙකුට අග්‍රාමාත්‍ය කාර්යාලය වෙත පැමිණෙන මෙන් ආරාධනා කර සිටියද, ඒ ආරාධනාව නොතකා පොලිසිය සමඟ ගැටීම නිසා මෙම තත්ත්වය උද්ගත වූ බව පැහැදිලි කරයි. මෙහිදී ආරාධනාව පරිදි සිය නියෝජිතයන්ට අග්‍රාමාත්‍ය කාර්යාලයට පැමිණීමට විරෝධතාකරුවන් සාමකාමීව ඉඩකඩ සැලසී නම් මෙවැනි තත්වයක් උද්ගත නොවන බවත් වැඩිදුරටත් ඔවුන් ප්‍රකාශ කර සිටියි.
මෙවැනි අවාසනාවන්ත සිද්ධියක් සිදුවීම පිළිබඳව අග්‍රාමාත්‍ය කාර්යාලය කණගාටුව පළ කර සිටියි.
