කොළඹ බණ්ඩාරනායක ජාත්‍යන්තර ගුවන්තුපලේ දී තායිලන්ත අග්‍රාමාත්‍යවරයා රාජ්‍ය ගෞරව ආචාර මධ්‍යයේ ශ්‍රී ලංකාවේ අග්‍රාමාත්‍ය රනිල් වික්‍රමසිංහ මහතා ප්‍රධාන රජයේ අමාත්‍යවරු ඇතුළු සම්භාවනීය අමුත්තන් විසින් පිළිගනු ලැබීය.
අග්‍රාමාත්‍ය ජනරාල් Prayut Chan-o-cha මහතා සහ ජනාධිපති මෛත්‍රිපාල සිරිසේන මහතා අතර ද්විපාර්ශවික සකච්ඡාවක් ද ජනාධිපති කාර්යාලයේ දි පැවැත්වීමට නියමිතය. ඉන් අනතුරුව තායිලන්තය සහ ශ්‍රි ලංකාව අතර අවබෝධතා ගිවිසුමතට අත්සන් තැබේ.
ජුලී 13 දා පෙරවරුවේ තායි අග්‍රාමාත්‍යවරයා අරලියගහ මන්දිරයේ දී අගමැති රනිල් වික්‍රමසිංහ මහතා සමඟ ද සාකච්ඡා කරනු ඇත. ඉන් අනතුරුව මහනුවර බලා යන තායි අග්‍රාමාත්‍යවරයා ඇතුළු නියෝජිත පිරිස ජේරාදෙණිය උද්භිද උද්‍යානය,ගන්නෝරුව කාෂිකර්ම ආයතනය නැරඹීමට ද යන අතර ඉන් පසු මල්වතු හා අස්ගිරි මහා නාහිමිවරුන් පැහැදැක ශ්‍රි දළඳා මාළිගාවට ගොස් දන්ත ධාතූන් වහන්සේලා වැඳ පුදා ගැනිමට නියමිතය.
