ඒ අනුව කැලණි ගඟ පහළ නිම්න කොටස්වල ජල මට්ටම වැඩිවෙමින් පවතින බව පෙන්වා දෙන ඒ මහතා මේ වන විට නාගලගම් වීදියේ ජල මට්ටම ගංවතුර මට්ටමක පවතින බැවින් හංවැල්ල සිට නාගලගම්වීදිය දක්වා ප්‍රදේශවල ජනතාවට සම්පූර්ණයෙන් ම ජල බැස යන තුරු ගංඟාව ආශ්‍රිතව කලාපවලින් ඉවත්වන ලෙස ඉල්ලා සිටියි.
එමෙන් ම රත්නපුර කළුගඟ පහළ නිම්නයේ හා ගාල්ල බද්දේගම මෙන් ම නිල්වලා ගඟ ආශ්‍රිතව යම් යම් ප්‍රදේශවල ද ගංවතුර තත්ත්වයන් ඇති බවත් ඒ මහතා පෙන්වා දෙයි.
ඉදිරි කාලය තුළත් තද වැසි බලාපොරොත්තු විය හැකි බව කාලගුණ විද්‍යා දෙපාර්තමේන්තුව සඳහන් කරන බැවින් කඳුකර ප්‍රදේශවල ජනතාව වැසි තත්ත්වය සම්බන්ධයෙන් අවධානයෙන් පසුවන ලෙස ඉල්ලා සිටින ඒ මහතා අකුණු අනතුරු හේතුවෙන් මරණ 06ක් වාර්තා ව ඇති බවත් මෙවැනි තත්ත්වයන් අවම කරගැනීම සඳහා ජනතාව නිරන්තර අවධානයෙන් පසුවන ලෙසත් ඉල්ලා සිටියි.
රත්නපුර, කළුතර, ගාල්ල, නුවරඑළිය හා මහනුවර දිස්ත්‍රික් සඳහා නායයෑම් අනතුරු නිවේදන මේ වන විට නිකුත් කර තිබෙන අතර ම ඉදිරි පැය 24ක කාලය සඳහා එම නිවේදන එලෙසින් ම වලංගුවන අතර ම රතු නිවේදන නිකුත් කර ඇති ප්‍රදේශවල ජනතාවට ඉදිරියටත් ආරක්ෂිත ස්ථානවල රැඳී සිටින ලෙස ආපදාකළමනාකරණ මධ්‍යස්ථානය ඉල්ලා සිටී.
