අගමැති රනිල් වික්‍රමසිංහ මහතාගේ ප්‍රධානත්වයෙන් අද (11) පෙරවරුවේ පැවති රැස්වීමකදී මේ පිළිබඳව සාකච්ඡා වූ බව ශ්‍රී ලංකා මහ බැංකුවේ අධිපති ආචාර්ය ඉන්ද්‍රජිත් කුමාරස්වාමි මහතා පවසයි.
මහ බැංකු ශ්‍රවණාගාරයේ අද (11) දහවල් පැවැති මාධ්‍ය සාකච්ඡාවකදී මහ බැංකු අධිපතිවරයා මේ බව පැවසීය.
දිවි නැගුම පනත යටතේ පිහිටුවා ඇති සමෘද්ධි බැංකු පාලනය වන්නේ කළමණාකරණ කමිටුවක් මගිනි. එම කමිටුවට ශ්‍රී ලංකා මහ බැංකුවේ සහ මුදල් අමාත්‍යංශයේ නියෝජිතයින් දෙදෙනෙකුද ඇතුළත් වේ.
සමෘද්ධි බැංකු සඳහා නව අධීක්ෂණ කමිටුවක් පිහිටුවීමට යෝජනා වි ඇත්තේ ඒවායේ පාලනය වඩාත් ශක්තිමත් කොට ජනතාවට පුළුල් සේවයක් ලබා දීමේ අරමුණින් බවද ආචාර්ය කුමාරස්වාමි මහතා සඳහන් කළේය.
