කුඩා බෝට්ටු හිමි ධීවර ප්‍රජාව සහ දුගීදුප්පත් සමෘද්ධිලාභීන් ගැන සිතා බලා, පරණ මිලට භූමිතෙල් ලබාදෙන්නට විශේෂ වැඩපිළිවෙලක් මුදල් අමාත්‍යාංශයත්, ධීවර අමාත්‍යාංශයත්, සමෘද්ධි අමාත්‍යාංශයත් වැඩපිළිවෙලක් ක්‍රියාත්මක කරන බවත් එම සහනාධාරය අද මධ්‍යම රාත්‍රියේ සිට ලැබෙන්නට කටයුතු කරන බවත් මුදල් හා ජනමාධ්‍ය අමාත්‍ය මංගල සමරවීර මහතා අද (10) කොළඹ පැවැති විශේෂ මාධ්‍ය හමුවේ දී පැවසී ය.
ජූනි මස 01 දින සිට මුදල් සියල්ල ලබෙන්නට සලස්වනවා. භූමිතෙල් භාවිතා කරන කුඩා බෝට්ටු හිමියන්ගේ බැංකු ගිණුමට සෘජුව මාසිකව මුදල් තැම්පත් කරන්න බලාපොරොත්තු වෙනවා. ව්‍යාපාරය හරහා සමෘද්ධි ලභීන්ට කූපන් ක්‍රමයකින් ලබදෙන්න කටයුතු කරනවා. ලෝක තෙල් මිල කුමක් වුවත් දූගි දුප්පත් ජනතාවගේ ඕනෑ එපාකම් අමතක කරන්නේ නැති නිසයි මෙවැනි තීන්දුවක් ගත්තේ යැයි ද අමාත්‍යවරයා පැවසී ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
