බදුල්ල – මහියංගණ මාර්ගයේ වියානා ඇළට සමාන්තරව දිවෙන මාර්ග කොටස කි.මී. 13 ක් වන අතර ඉන් කි.මි 08 ක් මහවැලි අධිකාරියට ද ඉතිරි කි.මි 05 මාර්ග සංවර්ධන අධිකාරියට ද අයත් වේ.

මහවැලි අධිකාරියට අයත් කි.මි 08 ක කොටසෙන් කි.මි 05 ක ආරක්ෂිත වැට ඉදිකිරීම් මහවැලි වේලි ආරක්ෂණ ව්‍යාපෘතිය යටතේ 2017 වසරේ නිම කෙරුණි.
ඉතිරි මාර්ග කොටසේ නිතර රිය අනතුරු සිදුවන බවට වන වාර්තා සැලකිල්ලට ගනිමින් අදාළ ඉදිකිරීම් කඩිනමින් නිම කරන ලෙස මෙහිදී ජනාධිපතිතුමා උපදෙස් දී තිබේ.
ඉදිකිරීම් සඳහා ඇස්තමේන්තු කොට ඇති රුපියල් මිලියන 26.5 ක මුදල වහා ලබා දීමට ද ජනාධිපතිතුමා කටයුතු කොට ඇත.

මාර්ග සංවර්ධන අධිකාරියට අයත් මාර්ග කොටසේ ඇති අනාරක්ෂිත ප‍්‍රදේශවල ද ආරක්ෂිත වැට ඉදිකිරිම් කඩිනම් කරන ලෙස ජනාධිපතිතුමා මාර්ග සංවර්ධන අධිකාරියට ද උපදෙස් දී තිබේ.