ඊයේ (07) සිට රේගු සතිය ආරම්භ විය. ලබන 14වන දින රේගු මූලස්ථාන ගොඩනැගිල්ල ජනාධිපති මහින්ද රාජපක්ෂ මැතිතුමා අතින් විවෘත කිරීමට නියමිත වේ.මීට සමගාමීව මෙම රේගු සතිය ක්‍රියාත්මක වන බව ශ්‍රී ලංකා රේගුව පවසයි.
මෙම සතිය තුළ රේගු දෙපාර්තමේන්තුව හා එහි ඉතිහාසය පිළිබඳව පාසල් ළමුන් සහ මහජනතාව දැනුවත් කිරීම සිදු කෙරෙන සම්මන්ත්‍රණ රැසක් පැවැත්වීමට රේගුව මගින් කටයුතු යොදා ඇත.ඊයේ දින පමණක් ශ්‍රී ලංකා රේගුව මගින් සංවිධානය කරන ලද සම්මන්ත්‍රණය සඳහා පාසල් ළමුන් 300කට අධික ප්‍රමාණයක් සහභාගී වූ අතර, එහිදී ඔවුන්ට රේගු ආඥා පනත්, නීති රීති, ආනයන අපනයනකරුවන්ට රේගුව හරහා හිමිවන වරප්‍රසාද මෙන්ම රේගුවේ ඉදිරි සැලසුම් පිළිබඳව වැඩිදුරටත් අවබෝධයක් ලබාදීමට හැකි වූ බව ශ්‍රී ලංකා රේගුව වැඩිදුරටත් පවසයි.
ECB
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
