මේ සඳහා අවශ්‍ය එන්නත් දිවයිනපුරා පිහිටි පළාත් සත්ත්ව නිෂ්පාදන හා සෞඛ්‍ය කාර්යාල සඳහා දැනටමත් බෙදාහැර ඇති බවත්, ඒ අනුව මිලියන 15කට ආසන්න වටිනාකමකින් යුතු එන්නත් බෙදාහැර ඇති බවත් අධ්‍යක්ෂ ජනරාල්වරයා පවසයි. රෝගය මේ වන විට මර්දන මට්ටමේ පවතී. මෙවර මෙම රෝගය හම්බන්තොට දිස්ත්‍රික්කයෙන් හැරුණ කළ දිවයිනේ සෑම දිස්ත්‍රික්කයකින් ම වාර්තා වී ඇත. රෝගය දැඩිව ව්‍යාප්තවීම හේතුවෙන් ලංකාව තුළ නිෂ්පාදිත එන්නත් ප්‍රමාණය ප්‍රමාණවත් නො වූ බැවින් කඩිනම් ප්‍රතිකාර සලකා විදේශයෙන් එන්නත් ආනයනය කිරීමට සිදු වූ බව අධ්‍යක්ෂ ජනරාල්වරයා වැඩිදුරටත් පවසයි.
ගව කුර හා මුඛ රෝගය වෙනුවෙන් සතුන්ට වසරකට එක්වරක් පමණක් එන්නත් ලබා දෙන බවත්, වසරකට එන්නත් එකක් ලබාදීම ප්‍රමාණවත් නොවී යන බව හැඟී යාමෙන් එය 2015 වසරේ සිට එන්නත් දෙකක් ලෙස වැඩි කිරීමට පියවර ගත් බවත් අධ්‍යක්ෂ ජනරාල්වරයා වැඩිදුරටත් පවසයි.
ECB
