මෙම ව‍සරේ ජනවාරි මස කිරිපිටි මෙට්රික් ටොන් 1ක මිල,  ඇමරිකානු ඩොලර් 5,000ක් පමණ වූ අතර එය මේ වන විට ඩොලර් 3,500 - 3,800 අතර ප්‍රමාණයකට පහත වැටී ඇත. සාමාන්‍යයෙන් කිරිපිටි කිලෝ ග්‍රෑමයකට රු.125/= ක රේගු බද්දක් අදාළ වුවද, මේ වසරේ මුල ජාත්‍යන්තර වෙළඳපොළේ කිරිපිටි මිල ගණන් ඉහළ යාම සලකා එම රේගු බදු ප්‍රමාණයෙන් කිලෝ ග්‍රෑමයක්  සඳහා රු.57/= ක් පමණක් අය කර ගන්නා ලද අතර,  රු.68/=ක තීරුබදු  සහනයක් ලබා දී තිබුණි. එහෙත්, මෙම වසරේ මැයි මාසය වන විට ලෝක වෙළඳපොළේ කිරිපිටි මිල සීග්‍රයෙන් පහත වැටී ඇති බැවින්, කිරිපිටි ආනයනකරුවන් වෙත ලබා දී තිබූ තීරුබදු සහනය රු.68/= සිට රු.43/= දක්වා අඩු කිරීමට තීරණය කර ඇත.

මෙමඟින්, කිරිපිටි ආනයන අධෛර්යමත් වීමත්, දේශීය දියර කිරි කර්මාන්තය ආරක්ෂා වීමත් අපේක්ෂා කෙරේ.

HC