අද (04) පෙරවරුවේ මුතුරාජවෙල SPBM බෝයාව (Buoy) මඟින් පෙට්රල් තොග බාමින් සිටිය දී සිදු ව ඇති ආපදාව නිසා රට තුළ කිසිදු පෙට්රල් හිඟයක් ඇති නොවන බවත් දිවයින පුරා බෙදාහැරීමට අවශ්‍ය ඉන්ධන තොග කොළොන්නාව හා මුතුරාජවෙල ගබඩා සංකීර්ණ සතුව පවතින බවත් ලංකා ඛනිජ තෙල් නීතිගත සංස්ථාවේ නියෝජ්‍ය සාමාන්‍යාධිකාරී (ක්‍රියාකරවුම්) ලලිත් හෙට්ටිතන්තිරිගේ මහතා පවසයි.
මේ ආපදාව පැය 24ක් තුළ යථා තත්ත්වයට පත්කිරීමට නොහැකි වුව හොත් ඉතුරු ඉන්ධන තොගය කොළඹ වරායේ ඇති ඩොල්පින් ජැටිය වෙත ගෙනැවිත් හිස් කිරීමට කටයුතු කරනු ඇත.
මේ ආපදාවට ලක් වූ බෝයාව අලුත්වැඩියා කිරීම සඳහා අවශ්‍ය සියලුම අමතර කොටස් ඛනිජතෙල් නීතිගත සංස්ථාව සතුව පවතින බැවින් දෝෂය හඳුනාගැනීමෙන් පසු එය නිවැරදි කිරීමට කටයුතු කරන බවත් ඔහු වැඩිදුරටත් සඳහන් කළේය.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
