රෝහල් වෛද්‍යවරුන්, හෙදියන් හා පවුල් සෞඛ්‍ය සේවා නිලධාරීන් අතර ඇති වී තිබෙන ගැටලුව නිසා විශාල ප්‍රශ්නයක් පැන නැගී ඇති බවත් මේ සම්බන්ධයෙන් එකඟතාවක් ඇති නොවුණ හොත් එය බලපාන්නේ ජනතාවට බවත් ජනමාධ්‍ය හා ප්‍රවෘත්ති අමාත්‍ය කෙහෙළිය රඹුක්වැල්ල මහතා පවසයි.
අමාත්‍යවරයා මේ බව පැවසුවේ අද (03) පස්වරුවේ ජනමාධ්‍ය හා ප්‍රවෘත්ති අමාත්‍යාංශ ශ්‍රවණාගාරයේ පැවති කැබිනට් මාධ්‍ය හමුවේදී මාධ්‍යවේදියෙක් නැගූ ප්‍රශ්නයකට පිළිතුරු වශයෙනි.
මේ සියලුදෙනා වෘත්තීයවේදීන්ය. මේ ගැටලුව ලංකාවේ සියලුදෙනාට බලපානු ඇත. මොවුන් අතර එකඟතාවක් නැති නිසා ප්‍රශ්නය විසඳීමට යාමේදී සෞඛ්‍ය අමාත්‍යවරයාත් අමාත්‍යාංශයත් අපහසුතාවට පත් වේ. මේ නිසා සියලු දෙනා එකඟතාවකට ආ යුතු බව ද අමාත්‍යවරයා පෙන්වා දුන්නේය.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
