භූමිකම්පාවෙන් විපතට පත්ව අවතැන්ව සිටින නේපාල ජනතාවගේ හදිසි අවශ්‍යතා සපුරාලීමට අත්‍යවශ්‍ය ද්‍රව්‍ය පරිත්‍යාග කිරීමට කැමති සංවිධාන හා පුද්ගලයන්ට ආපදා කළමණාකරන මධ්‍යස්ථානය, විද්‍යා මාවත, කොළඹ 07 ලිපිනයට ඒවා ගෙනැවිත් බාරදෙන ලෙසට රජය මහජනතාවගෙන් ඉල්ලීමක් සිදු කරයි.
භූමිකම්පාවෙන් විපතට පත් නේපාල ජනතාවගේ හදිසි අවශ්‍යතා සපුරාලීම සඳහා කූඩාරම් (කුඩා, මධ්‍යම සහ විශාල), මෙට්ට, පොරෝනා (Blanket), වතුර පිරිසිදු කිරීමේ උපකරණ හා පානීය ජලය, සනීපාරක්‍ෂක කට්ටල හා භාණ්ඩ, එළිමහන් කඳවුරු සඳහා අවශ්‍ය උපකරණ හා භාණ්ඩ අවශ්‍ය වී ඇති බව නේපාල රජය විසින් දන්වා ඇත.
011 213 613 යන දුරකතන අංකයෙන් ආපදා කළමණාකරණ මධ්‍යස්ථානය ඇමතීමෙන් මේ පිළිබඳ වැඩිදුර තොරතුරු ලබා ගත හැකි ය.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
