ජනාධිපති මෛත්‍රීපාල සිරිසේන මහතාගේ පාකිස්තානු නිල සංචාරයේ දී ශ්‍රී ලංකාවේ ජාත්‍යන්තර සබඳතා හා ක්‍රමෝපායික අධ්‍යයනය පිළිබඳ ලක්ෂ්මන් කදිර්ගාමර් අයතනය සහ පාකිස්තානයේ ජාතික ආරක්ෂක විශ්වවිද්‍යාලය අතර අධ්‍යයන සහයෝගිතා ගිවිසුමකට (ACA) අත්සන් තැබේ.
මෙමඟින් දෙරටේ ආයතන අතර අන්‍යෝන්‍ය සහයෝගිතාව වඩාත් තහවුරු වීමට ද ඉඩ සැලසේ.
අන්‍යෝන්‍ය වශයෙන් උනන්දුවක් දක්වන ක්ෂේත්‍ර සම්බන්ධයෙන් දැනුම, පළපුරුද්ද හා තොරතුරු හුවමාරු කර ගැනීමේ දී සහයෝගිතාව වැඩිදියුණු කි‍රීමේ අපේක්ෂාව පෙරදැරිව මෙම අධ්‍යයන සහයෝගිතා ගිවිසුමට එළැඹෙනු ඇත.
ශ්‍රී ලංකාවේ විදේශ කටයුතු අමාත්‍ය මංගල සමරවීර මහතාගේ යෝජනාවක් පරිදි අමාත්‍ය මණ්ඩල අනුමැතිය ලැබූ මෙම ගිවිසුම ජනාධිපති මෛත්‍රීපාල සිරිසේන මැතිතුමා විසින් අත්සන් තැබීමට නියමිතය.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
