ජාතික සුරක්ෂිතතා දිනය සැමරීමේ හම්බන්තොට දිස්ත්‍රික් උත්සවය හම්බන්තොට දිස්ත්‍රික් ලේකම් එම්.කේ.බන්දුල හරිශ්චන්ද්‍ර මහතාගේ ප්‍රධානත්වයෙන් හම්බන්තොට නගර මධ්‍යයයේදී සිදුවිය.අද (26) දින උදේ 8.45ට පමණ සර්ව ආගමික වතාවත් වලින් ආරම්භ වී 2004 සුනාමි විපතින් මියගිය අයට පැන්වඩා පිං අනුමෝදන් කිරීමක් සිදු කෙරිණි.
අනතුරුව පෙ.ව. 9.25ට සියලු දෙනාම විනඩි දෙකක නිහඩවී මිය ගිය සියලු දෙනා සිහිපත් කෙරිණි. හම්බන්තොට දිස්ත්‍රික්කයේ කුඩාවැල්ල සිට තිස්ස-කිරින්ද දක්වාවූ මුහුදු තීරය විනාශයට ලක්වූ අතර දිස්ත්‍රික්කයේ ජනතාව දෙදහස් පන්සීයක් පමණ මියගියහ.
මෙම වැඩසටහන සදහා හම්බන්තොට මහනගර සභාවේ උප නගරාධිපති ගමිණී ශ්‍රී ආනන්ද, විපක්ෂ නායක ඩී.ඒ.ගාමිණී ,හම්බන්තොට ප්‍රාදේශීය ලේකම් ඊ.කේ.ඒ.සුනීතා,ආපදා කළමනාකරණ ඒකයේ සහකාර අධ්‍යක්ෂ බලඝන නායක නලින් බෙන්තර ආරච්චි යන මහත්ම මහත්මීන් ඇතුලු පිරිසක් එක්ව සිටියහ.
DMU/Hambantota
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
