මෙහි දී සමාරම්භක දේශනය පැවැත් වූ ආපදා කලමණරණ ඒකකයේ අධ්‍යක්ෂ ජනරාල් ජී එස් සේනාධීර මහතා ප්‍රකාශ කළේ, ආපදා කළමනාකරණය තනි ආයතනයකට සිදු කල හැක්කක් නොවන අතර, එය සෙසු ආයතන ඒකාබද්ධව සිදු කරනු ලබන ජාතික වැඩපිළිවෙලක් බවයි. මෙම තත්ත්වය සැලකිල්ලට ගනිමින් සමාජ සවිබල ගැන්වීම් හා සුබසාධන අමාත්‍යාංශයේ නිලධාරීන් සම්බන්ධ කරගනිමින් ග්‍රාමීය මට්ටමින් ආපදා කළමණාකරන සැලැස්මක් සැකසීම මෙහි මුලික අරමුණ බවද ඒ මහතා කීය.
මේ වන විට දිස්ත්‍රික් 07ක මෙම වැඩසටහන ක්‍රියාත්මක අතර, මෙම වසරේ දෙසැම්බර් මස 15 වනදා වන විට සියළු දිස්ත්‍රික්කයන් ආවරණය වන පරිදි මෙම වැඩසටහන ක්‍රියාත්මක කිරිමට නියමිත බව ද අධ්‍යක්ෂවරයා වැඩිදුරටත් පෙන්වා දුන්නේය.
මේ අවස්ථාව සඳහා ගාල්ල අතිරේක දිස්ත්‍රික් ලේකම් කමල් රණසිංහ මහතා, ආපදා කලමණරණ ඒකකයේ අධ්‍යක්ෂ සුගත් දිසානායක මහතා ඇතුළු දිවිනැගුම සංවර්ධන දෙපාර්තමේන්තුවේ නිලධාරීන් පිරිසක් එක්ව සිටියහ.
