කරස්නාගල ජල පිරිපහදු ක්‍රමයේ සිට ජලය බෙදාහරිනු ලබන ප්‍රධාන නළයේ අළුත්වැඩියා කටයුත්තක් හේතුවෙන් අද රාත්‍රී 10.00 සිට හෙට (02) රාත්‍රී 10.00 දක්වා ප්‍රදේශ කිහිපයකට ජල සැපයුම අත්හිටුවීමට සිදුවන බව ජල සම්පාදන හා ජලාපවාහන මණ්ඩලය නිවේදනයක් නිකුත් කරමින් දැනුම් දේ.
ඒ අනුව පස්යාල, කලල්පිටිය , ඇල්ලලමුල්ල, වතුපිටිවල , මාඉඹුල, අත්තනගල්ල, ගොඩගම , අලවල , ඌරාපොළ , දික්කන්ද, වල්ගම්මුල සහ මිටිගම්මන ප්‍රදේශවලට මෙලෙස ජල සැපයුම අත්හිටුවේ.
ජල සැපයුම අත්හිටුවීමෙන් පාරිභෝගිකයන්ට සිදුවන අපහසුතාවය පිළිබඳ මණ්ඩලය කණගාටුව පළ කරන අතර ජලය ඉතා අරපිරිමැස්මෙන් භාවිත කරන ලෙස ද ඉල්ලා සිටී.
මේ පිළීබඳව වැඩිදුර තොරතුරු 1939 ක්ෂණික දුරකතන අංකය ඔස්සේ ලබා ගත හැකි බවද එම නිවේදනයේ වැඩිදුරටත් සඳහන් වේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
