දරුවන්ගේ අභිවෘද්ධිය හා සුරක්ෂිතතාව වෙනුවෙන් ක්‍රියාකාරීවීම මෙම ප්‍රජා ජාලයේ කාර්ය භාරය වන අතර හක්මණ ප්‍රදේශීය ලේකම් කාර්යාලයේ ළමා හා කාන්තා ඒකකය විසින් වැඩසටහන සංවිධානය කරන ලදි.
මෙමගින් ළමයින්ගේ අධ්‍යාපන, පොත්පත්, සෞඛ්‍ය, සමාජ ජීවිතය, ලිංගික හිංසනයන්ට ගොදුරු වීම, මත්ද්‍රව්‍ය පිළිබඳ ඔවුන්ගේ නැඹුරුව හා ඒ පිළිබඳව දැනුවත් වීම සම්බන්ධයෙන් පවතින විවිධ ගැටලු කෙරෙහි විශේෂයෙන් අවධානය යොමු කරන ලද අතර ළමා අපචාර, ළමා අපයෝජන, ළමයින්ට එරෙහි ප්‍රචණ්ඩත්වය සහ ළමා හිංසනය ආදිය වළක්වා ගැනීම සඳහා ප්‍රජාවක් වශයෙන් කටයුතු කිරීම අපේක්ෂා කෙරේ.
