ඇසුරුම් කළ කසළ දුම්රියෙන් අරුවක්කාලු කසළ අංගනය වෙත රැගෙන යෑම පිළිබඳව අත්හදා බැලීමක් සිදු කළ බව දුම්රිය නියෝජ්‍ය සාමාන්‍යධිකාරී (ගමනාගමන) ජේ.එන්. ඉඳිපොලගේ මහතා පැවසිය.
ඒ මහතා මේ බව ප්‍රකාශ කළේ අද (26) රජයේ නිල පුවත් වෙබ් අඩවිය මේ පිළිබඳව කළ විමසුමේ දී ය.
ඒ අනුව වනවාසල කසළ ඇසුරුම් කිරීමේ මධ්‍යස්ථානයේ දී එක්රැස් කරන ලද කසළ එලෙස පුත්තලම අරුවක්කාලු කසළ අංගනය වෙත රැගෙන යාමට කටයුතු කර තිබේ.
මෙම ක්‍රියාවලිය ක්‍රියාත්මක කිරීම සඳහා අවශ්‍ය වැඩපිළිවෙල තවදුරටත් සැලසුම් කරමින් තිබෙන බව ඒ මහතා වැඩිදුරටත් සඳහන් කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
