අලුතින් සකස් කරන ලද දූෂණ විරෝධී පනත පිළිබඳව මෙම සාකච්ඡාවේදී අවධානය යොමුකළ අතර නව දූෂණ විරෝධී පනතෙහි ඇති ගැටලුකාරී තත්වයන් සම්බන්ධයෙන් මෙහිදී සාකච්ඡාවට බදුන් විය.
නව දූෂණ විරෝධී පනතෙහි ඇති ගැටලුකාරී තත්වයන් සංශෝධනය කිරීමට නිර්දේශ ලබාදීම සඳහා කමිටුවක් පත් කිරීම වඩා යෝග්‍ය බව මෙම සාකච්ඡාවේදී යෝජනා විය. අවශ්‍ය ඉදිරි කටයුතු සම්පාදනය කිරීම සඳහා අමාත්‍යවරයා නිලධාරීන්ට උපදෙස් ලබාදෙන ලදී.
අල්ලස් හෝ දූෂණ චෝදනා විමර්ෂණ කොමිෂන් සභාවෙහි කොමසාරිස් ජනාධිපති නීතිඥ චේතිය ගුණසේකර, අධිකරණ අමාත්‍යාංශයේ ලේකම් එම්.එන්.රණසිංහ යන මහත්වරුන් හා අධිකරණ අමාත්‍යාංශයේ, නීති කෙටුම්පත් දෙපාර්තමේන්තුව, නීතිපති දෙපාර්තමේන්තුව සහ අල්ලස් හෝ දූෂණ චෝදනා විමර්ෂණ කොමිෂන් සභාව ආදී ආයතන නියෝජනය කරමින් නිලධාරීන් පිරිසක් මෙම අවස්ථාවට එක්විය.
