2024 ජනාධිපතිවරණයේ තැපැල් ජන්දදායකයින් සඳහා යැවෙන ජන්ද පත්‍රිකාව අඩංගු ලියාපදිංචි රක්ෂිත පැකැට්ටු තැපැල් දෙපාර්තමේන්තුව වෙත භාර ගැනීම අද (26) සිට ආරම්භ කරන බව නියෝජ්‍ය තැපැල්පති (මෙහෙයුම්) රාජිත කේ රණසිංහ මහතා සඳහන් කරයි.
ඒ අනුව සියලුම නියෝජ්‍ය තැපැල්පතිවරුන්, ප්‍රධාන ගණකාධිකාරී සහ ප්‍රාදේශීය තැපැල් අධිකාරිවරුන් ඇතුලු සියලු කාර්යය මණ්ඩලය වෙත තැපැල් දෙපාර්තමේන්තුව විසින් විශේෂ දැනුම් දීමක් කරමින් දන්වා ඇත්තේ 2024 ජනාධිපති මැතිවරණයේ කටයුතු සඳහා ප්‍රමුඛතාව ලබා දිය යුතු බැවින් වහාම ක්‍රියාත්මක වන පරිදි අද (26) සිට ජනාධිපතිවරණ රාජකාරි අවසන් වන තෙක් සියලු තැපැල් කාර්යය මණ්ඩලවල නිවාඩු ලබා ගැනීම් අවලංගු කර ඇති බවයි.
ඊට අදාළ විධිමත් චක්‍රලේඛය කඩිනමින් නිකුත් කරන බව ද වාර්තා වේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
