විසිතුරු මත්ස්‍ය ගොවිපලවල් වල මසුන්ට පවතින ලෙඩ රෝග එම අවස්ථාවේදීම හදුනාගන්නා අතර අවශ්‍ය ඹෟෂධ එම ස්ථානයේදීම සහන මිලට ලබා ගැනීමට අවශ්‍ය පහසුකම් සලසා තිබුණි.
ජලජීවි වගාකරුවන් භාවිතා කරන ජලයේ PH අගය, Hardness අගය මැන ගැනීමටත් එමඟින් ගොවිපොලට වඩාත් සුදුසු මත්ස්‍ය වර්ගය හදුනා ගැනීමට මෙමඟින් අවස්ථාව සැලසිණි.
සබරගමුව විශ්වවිද්‍යාලයේ ජංගම රසායනාගාරය මඟින් මහාචාර්ය නිරෝෂන් වල්පිට මහතාගේ අධීක්ෂණය යටතේ මෙම වැඩ සටහන පැවැත්විණි.
මෙම වැඩ සටහන දිස්ත්‍රික් ජලජීවී නිලධාරී චන්දන ජගත් කුමාර මහතා විසින් සංවිධානය කර තිබුණි.
මෙම අවස්ථාවට කෑගල්ල දිස්ත්‍රික් ලේකම් රංජන ජයසිංහ, දිස්ත්‍රික් කෘෂිකර්ම අධ්‍යක්ෂ එම්.එස්.තිලකසිරි, ජල ජීවී වගාකරුවන් ඇතුළු පිරිසක් එක්ව සිටියහ.
