74 වන වරටත් පවත්වනු ලබන බෙල්ලන්විල ඇසල පුණ්‍යාමහොත්සවය හා පෙරහැර මංගල්‍යය අගොස්තු 17 සිට අගෝස්තු 25 දක්වා පැවැත්විමට කටයුතු යොදා ඇති බව බෙල්ලන්විල රජමහා විහාරයේ විහාරාධිපති ආචාර්යය බෙල්ලන්විල ධම්මරතන හිමියෝ සඳහන් කළහ.
ඊට සමගාමිව අගෝස්තු 03 හා 04 යන දෙදින තුළ දි වාර්ෂික ගුණානුස්මරණ දානමය පිංකම හා වාද්දුව මොල්ලිගොඩ ප්‍රවචනෝදය පිරිවේනේදි පැවැත්විණි. එසේම ධර්ම දේශනා සුත්‍ර දේශනා දිය විවිධ වු පිංකම් මාලාවක් පැවැත් වු බව අද (14) රජයේ ප්‍රවෘත්ති දෙපාර්තමේන්තුවේ දි පැවති මාධ්ය හමුවකට එක්වෙමින් උන්වහන්සේ පැවසු හ.
වැඩිදුරටත් අදහස් දැක් වු උන්වහන්සේ පැවසුවේ, අතීතයේ දි කිසිදු රාජ්‍ය අනුග්‍රහයක් මෙම පෙරහැරට නොලැබුණු බවත්, හිටපු විහාරාධිපති මහාචාර්යය බෙල්ලන්විල විමලරතන හිමියන්ගේ අධිෂ්ධානය, කැපවීම හේතුවෙන් මේ වනවිට ඊට රාජ්‍ය අනුග්‍රහය ලැබී ඇති බවත්ය.
අලි ඇතුන් 25-30 අතර ප්‍රමාණයක් සහභාගිවීමට නියමිත අතර විවිධ සම්ප්‍රදායික නර්තන කණ්ඩායම් 50ට අධික ප්‍රමාණයක් සහභාගිවෙමින් විචිත්‍ර අන්දමින් මෙම පෙරහැර පැවැත්වීමට නියමිත ය.
අගොස්තු 17 - දොරකඩඅස්න අනුශාසනා
දේවදුත පෙරහැර සහ කුඹල් පෙරහැර
අගෝස්තු 19-21 - මල් පෙරහැර
අගෝස්තු 22 - පාවඩ පෙරහැර
අගෝස්තු 23 - රන්සිවිලි පෙරහැර
අගෝස්තු 24 - රන්දෝලි පෙරහැර
අගෝස්තු 25 - දියකපන පෙරහැර හා දේවදානය
