ඇල්ල කුඹල්වෙල මහමෙව්නාව මාවත කාපට් අතුරා සංවර්ධනය කර ජනතා අයිතියට පත් කිරීම ජනමාධ්‍ය, ප්‍රවාහන හා මහාමාර්ග අමාත්‍ය ආචාර්ය බන්දුල ගුණවර්ධන මහතා විසින් පසුගිය දා (10) සිදු කෙරිණි.
බදුල්ල දිස්ත්‍රික් සංවර්ධන කමිටුවේ සභාපති පාර්ලිමේන්තු මන්ත්‍රී මේජර් සුදර්ශන දෙනිපිටිය මහතාගේ ඉල්ලීමකට අනුව ජනාධිපති රනිල් වික්‍රමසිංහ මහතාගේ ග්‍රාමීය මාර්ග සංවර්ධන වැඩසටහන යටතේ බෝධිගිරි වන සෙහසුන පිවිසුම් මාර්ගය වන මහමෙව්නාව මාවත රුපියල් මිලියන 20ක් වැය කර කිලෝ මීටර් එකක් පමණ දුරක් මෙලෙස කාපට් අතුරා සංවර්ධනය කර තිබේ.
මෙම අවස්ථාවට ප්‍රාදේශීය නිලධාරින් ඇතුළු සැදැහැවතුන් විශාල පිරිසක් එක් විය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
