අමාත්‍යවරයා මේ බව පැවසුවේ අද (13) රජයේ ප්‍රවෘත්ති දෙපාර්තමේන්තුවේ පැවති කැබිනට් තීරණ දැනුම්දීමේ මාධ්‍ය හමුවේදී අදහස් දක්වමිනි.
මෙම යෝජනාව ජනාධිපතිවරයා කැබිනට් මණ්ඩලයට ඉදිරිපත් කර තිබේ.
දැනට වැටුප් විෂමතා ඇති වීමට හේතුවී ඇති රාජ්‍ය සේවයේ විවිධ ශ්‍රේණීන් 30කට අධික ප්‍රමාණයක් පවතින බවද, එම විවිධ ශ්‍රේණි සියල්ලම ශ්‍රේණි 04කට අඩුකිරීමට මෙම යෝජනාව මගින් ඉදිරිපත් කර ඇතැයිද අමාත්‍යවරයා පෙන්වා දුන්නේය.
මේ අනූව රාජ්‍ය සේවයේ සියලුම තනතුරු ප්‍රධාන මට්ටම් 04ක් යටතේ වර්ගීකරණය කර එක් එක් කාණ්ඩය සඳහා බඳවාගැනීමේ සුදුසුකම් නියම කරන බවද ඒ අනුව රැකියා පිළිවිතර සහ රැකියා විස්තර වෙනස් වන බවද අමාත්‍යවරයා වැඩිදුරටත් සඳහන් කළේය.
