ජපාන ව්‍යවසායකයෙකු විසින් නිෂ්පාදනය කරන ලද වාහනවල එන්ජින් කාර්යක්ෂමතාවය වැඩිදියුණු කරන ස්වභාවික නිෂ්පාදනයක නිදර්ශනයක් ජනමාධ්‍ය, ප්‍රවාහන හා මහාමාර්ග අමාත්‍ය ආචාර්ය බන්දුල ගුණවර්ධන මහතා වෙත පිරිනැමුණු අතර මෙරට පොදු ප්‍රවාහන සේවාවන් සිදු කරන බස් රථ සඳහා එම නිෂ්පාදන යොදාගැනීමේ යෝග්‍යතාවය පිළිබඳ පරික්ෂා කර බලන ලෙස ද එම අවස්ථාවේ දී ඉල්ලීමක් සිදු කරන ලදී.
ඒ අනුව වාහනවල ඉන්ධන කාර්යක්ෂමතාවය ඉහළ නංවමින් කාබන් විමෝචනය අවම කරන ස්වභාවික නිෂ්පාදනයක් වන මෙය මෙරට රථ වාහනවලට භාවිතා කිරීමේ යෝග්‍යතාවය පිළිබඳව පරීක්ෂාවක් සිදු කිරීම සඳහා ලංකා ගමනාගමන මණ්ඩලය වෙත යොමු කර තිබේ.
ශාස්ත්‍ර‍පති පුජ්‍යපාද ගලගම ධම්මරංසි හිමියන්ගේ සම්බන්ධීකරණයෙන් ජපාන ජාතික මියුරා සෙන්සේ ඇතුළු නියෝජිත පිරිසක් මේ අවස්ථාව සඳහා එක්ව සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
