දකුණු පළාත් ග්‍රාම සංවර්ධන අමාත්‍යාංශය මගින් ක්‍රියාත්මක කරනු ලබන ග්‍රාම සංවර්ධන සතිය වැඩසටහනට සමගාමීව හක්මණ ග්‍රාම සංවර්ධන සමිති ප්‍රාදේශිය බල මණ්ඩලය සහ දෙනගම බටහිර ග්‍රාම සංවර්ධන සමිතිය හා එක්ව හක්මණ-දෙනගම වැව අසල මාර්ගය දෙපස බැහැර කර තිබූ අපද්‍රව්‍ය ඉවත් කිරිමේ ශ්‍රමදානයක් ඊයේ (11) සාර්ථකව පැවැත්විණි.
හක්මණ ප්‍රාදේශිය ලේකම් තීක්ෂණ දිසානායක මහතාගේ උපදෙස් මත ග්‍රාම සංවර්ධන නිලධාරි අනූෂා විතාන මහත්මිය වැඩසටහන සංවිධානය කර තිබේ.
පරිපාලන ග්‍රාම නිලධාරි දමින්ද පරණවිතාරන, පරිසර නිලධාරි ලක්ෂාණි මොහොට්ටි, වන ව්‍යාප්ති නිලධාරි සුසන්ත විතාරණ, ග්‍රාම නිලධාරින් වන ජි.ඒ.පි.පියසිරි චලනි මොහොට්ටි, ආර්ථික සංවර්ධන නිලධාරි ඩබ්ලිව්.එම්.අනුෂා යන මහත්ම මහත්මීහු සහ දෙනගම බටහිර ග්‍රාම සංවර්ධන සමිතියේ නිලධාරීන් පිරිසක් මෙම ශ්‍රමදානය සඳහා සහභාගී වී සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
