විපක්ෂ නායක සජිත් ප්‍රේමදාස මහතා ස්ථාවර නියෝග 27/2 යටතේ යොමු කළ ප්‍රශ්නයට පිළිතුරු දෙමින් අධ්‍යාපන අමාත්‍යවරයා මේ බව පැවසීය.
වැඩිදුරටත් අදහස් දක්වමින් අධ්‍යාපන අමාත්‍යවරයා පැවසුවේ, උසස් අධ්‍යාපන අවස්ථා පුළුල් කිරීම යන තේමාව යටතේ අධිකරණ අමාත්‍ය ආචාර්ය විජේාදස රාජපක්ෂ මහතාගේ ප්‍රධානනත්වයෙන් විශේෂ තේරිම් කාරක සභාවක් පත් කර ඇති බවයි.
වැඩිදුරටත් අදහස් දක්වමින් අමාත්‍යවරයා පැවසුවේ,
මෙරට රාජ්‍ය විශ්ව විද්‍යාල 17ක් සහ වෘත්තීය පුහුණු අංශයේ ඇති උසස් අධ්‍යාපන ආයතන සම්බන්ධයෙන් සමාලෝචනයක් සිදු කර උසස් අධ්‍යාපන අවස්ථා පුළුල් කිරිම යන තේමාව යටතේ විශේෂ තේරීම් කාරක සභාවක් පත් කර තිබෙනවා. විපක්ෂයට වුවද එම තේරීම් කාරක සභාවට පැමිණ උසස් අධ්‍යාපන පුළුල් කිරීම සම්බන්ධයෙන් අදහස් ඉදිරිපත් කිරීමට අවස්ථාව තිබෙනවා.
එම කමිටුව විසින් ඉතා ඉක්මනින් වාර්තාවක් ලබා දෙනු ඇති බවත් ඒ අනුව උසස් අධ්‍යාපන අවස්ථා පුළුල් කිරීම පිළිබඳ රජය ප්‍රතිපත්තිමය තීරණයකට එළඹෙන බවද අධ්‍යාපන අමාත්‍යවරයා කීය.
