ඌව පළාතේ වෘත්තිය මාධ්යවේදීන් දැනුවත් කිරීම වෙනුවෙන් “විදේශ රැකියා ක්ෂේත්‍රයට දැනුවත් මාධ්‍ය ප්‍රවේශයක්” මැයෙන් ප්‍රාදේශීය මාධ්යවේදීන් දැනුවත් කිරීමේ වැඩසටහනක් පසුගියදා ඌව පළාත් විගමණික සම්පත් මධ්‍යස්ථානයේදී පැවති අතර, එහිදී අමාත්‍යවරයා මේ බව සඳහන් කළේය.
බදුල්ල දිස්ත්‍රික්කයේ හා මොණරාගල දිස්ත්‍රික්කයේ ප්‍රාදේශීය මාධ්යවේදීන් විදේශ රැකියා ක්ෂේත්‍රයේ නව ප්‍රවනතා පිළිබඳ දැනුවත් කිරීම හා ප්‍රවෘත්ති වාර්තාකරණයේදී විදේශ රැකියා ක්ෂේත්‍රය සම්බන්ධව ජනතාව ප්‍රතිමානගත කළ යුත්තේ කෙසේද යන්න පිළිබඳවද දැනුවත් කිරිම සඳහා එම වැඩසටහනට සංවිධානය කර තිබිණි.
විදේශ රැකියා ක්ෂේත්‍රයට අදාළ තොරතුරු වාර්තාකරණයේදී නිවැරදිව සහ වේගවත්ව මහජනයාට අවශ්‍ය පහසුකම් සැපයීම සඳහා පළාත් මාධ්‍ය සංසඳ වැඩපිළිවෙළ ආරම්භ කරන බවත් විදේශ ගත ශ්‍රමිකයින්ට විදේශයන්හිදී ඇතිවන ගැටලු මෙන්ම ඔවුන්ගේ පවුල්වලට සුබසාධන අවශ්‍යතා පිළිබදව තොරතුරු ඉක්මණින් වාර්තා වන්නේ ප්‍රාදේශීය මාධ්‍යවේදීන්ට වන බැවින් මාධ්යවේදීන් මගින් තොරතුරු ඉතා ඉක්මණින් හා නිවැරදිව ලබාගැනිමට අදාල මාධ්‍ය සංසද මගින් හැකිවනු ඇති බවද අමාත්‍යවරයා වැඩිදුරටත් පැවසීය. බිම් මට්ටමේ තොරතුරු වාර්තාකරණයේදී විදේශ සේවා නියුක්ති කාර්යාංශය, අදාළ සිදුවීම් සම්බන්ධව ගෙන ඇති පියවරයන් පිළිබඳවද සොයා බලන මෙන් ද අමාත්‍යවරයා එහි පැමිණි සිටි මාධ්‍යවේදීන්ගෙන් ඉල්ලා සිටියේය. විදේශ රැකියා ජාවාරම්කරුවන්ගෙන් මහජනයා ගලවා ගැනීමත් ජාවාරම්කරුවන් හෙළිදරව් කොට ඔවුන්ට එරෙහිව නීතිමය පියවර ගැනිමටත් මෙම ක්‍රමවේදය ඉවහල් වනු ඇති බව ද පළාත් මාධ්‍ය සංසඳ පිහිටුවීමට අදාළව පළමු මාධ්‍ය සංසඳය ඌව පළාතේ පිහිටුවීමට කටයුතු කරන බව ද, අමාත්‍යවරයා වැඩිදුරටත් සඳහන් කළේය.
